१० भदौ, काठमाडौं । रुपेन्देहीको पजरकट्टीकी एक महिलाको जरेर मृत्यु भएको छ । उनको हत्या वा आत्महत्या खुल्न सकेको छैन ।
धकधही गाविसको पजरकट्टीकी २२ वर्षकी सुनिता यादवको लजेर मृत्यु भएको प्रहरीले जनाएको छ । जलेको अवस्थामा उपचारका लागि युनिभर्सल कलेज अफ मेडिकल साइन्स भैरहवामा ल्याएपछि घटना सार्वजनिक भएको हो ।
परिवारले भने ससुरा भारतमा र श्रीमान बजार भएको बेला सुनिता आगोमा जलेको बताएका छन् ।
प्रहरीका अनुसार भारतको महाराजगञ्जकी उनको गत फागुनमा विवाह भएको थियो । उनी दुई महिना माइत बसेर ८ दिनअघि मात्र घर आएकी थिइन् ।
प्रहरीले उनका श्रीमान जयकुमार यादवलाई पक्राउ गरी अनुसन्धान थालेको छ ।
