११ भदौ, बिराटनगर । मोरङमा बिरामी बोक्ने एम्बुलेन्स सामान तस्करीमा प्रयोग भएको भेटिएको छ ।
भारतको जोगवनीबाट आएको मे१च ३९१ नम्बर एम्बुलेन्सलाई विराटनगर-२२ स्थित मटेरुवा सीमा प्रहरी चौकीले जाँच गर्दा उक्त एम्बुलेन्समा भन्सार छलेर ल्याएका गाडीको पार्टस (प्लास्टिकको) ८६ थान बरामद गरेको हो ।
एम्बुलेन्स चालक मनोजकुमार रायका साथै सो एम्बुलेन्समा सवार बेन्नी थोमस र रेखा थापालाई नियन्त्रणमा लिएर आवश्यक कारबाही सुरु गरिएको जिल्ला प्रहरी कार्यालयले जनाएको छ ।
बरामद सामान र गाडीसहित चालकलाई आवश्यक कारबाहीका लागि विराटनगर भन्सार कार्यालयमा बुझाइएको छ । रासस