२७ भदौ, काठमाडौं । दक्षिण अफ्रिकाको एक अदालतले कीर्तिमानी ‘ब्लेड’ धावक ओस्कार पिस्टोरियसलाई अन्जानमा भएको प्रेमिका रीवा स्टीनक्यापको हत्यामा दाषी ठहर गरेको छ ।
शौचालयमा कोही अनजान व्यक्ति प्रवेश गरेको आशंकामा ओस्कारले लापरवाही गरेर गोली चलाएको अदालतको ठहर छ ।
अदालतले हतियार राखेकोसहिका केही आरोपमा भने उनलाई सफाइ दिएको छ ।
बुधबार फैसला सुनाउन सुरु गर्दै न्यायाधीश थोकोसाइल मासीपाले ओस्कारलाई प्रेमिका रीवाको सुनियोजित हत्या आरोपमा सफाइ दिएको थियो ।
पिस्टोरियसमाथि आफ्नो २९ वर्षीया गर्ल्डफ्रेण्ड रीवा स्टीनक्यापको गत वर्ष भ्यालेन्टाइन डेको दिन हत्या गरेको आरोप लागेको थियो । उनले भने आरोप अस्वीकार गरेका थिए ।
पिस्टोरियसले २०१२ को लण्डनको पारा ओलम्पिकमा चार सय मिटर दौडमा स्वर्ण जितेका थिए ।
