झापाली गायक उजन नेम्बाङवको नयाँ एल्बम ‘तस्बिर’मा समावेश ‘तिम्रो याद अझै आउँछ’ बोलको गीतको म्यूजिक भिडियो छायांकन भएको छ । शैलेन्द्र खोखालीले निर्देशन गरेको भिडियोलाई श्रीधर पौडेलले खिचेका हुन् । भिडियोमा गायक उजनको साथमा मोडल सगुन शाहीको मोडलिङ छ ।
सगुनले पहिलो पटक पप गीतको म्यूजिक भिडियोमा काम गरेकी हुन् । पप गीतको भिडियोमा काम गर्दा निक्कै रमाइलो र खुशी लागेको सगुनले बताइन् । नरेश भट्टराइको शब्द, ताराप्रकाश लिम्बुको संगीत रहेको गीतको भिडियो चाडै बजारमा आउने बताइएको छ । भिडियोको छायांकान श्रीकाली चौर र भैसेपाटीमा गरिएको हो ।