२५ भदौ, काठमाडौं । राष्ट्रिय स्वतन्त्र पार्टी(रास्वपा)का महामन्त्री विपिनकुमार आचार्यले रसुवा बाढीपछिको पुनर्निर्माण शीघ्र हुनेमा शंका व्यक्त गरेका छन् । बिहीबार प्रतिनिधिसभा बैठकमा बोल्दै उनले जलेको सिंहदरबार र संसद् भवन अझै पुनर्निर्माण हुन नसकेको बताउँदै बाढी प्रभावित क्षेत्रको पुनर्निर्माणमा कसरी विश्वास गर्ने ? भन्दै सरकारमाथि प्रश्न उठाएका हुन् ।
‘राज्यको मुटु नै मानिने सिंहदरबार र सार्वभौम संसद्कै निर्माण गति यति धेरै सुस्त हुँदै गर्दाखेरि रसुवा र नुवाकोटका नागरिकले पुनर्निर्माण सही दिशामा हुन्छ भनेर कसरी विश्वास गर्ने ?’, महामन्त्री आचार्यले प्रश्न गरे ।
पुनर्निर्माणका लागि के–के नीतिगत र व्यवहारिक कमजोरी छन् ? त्यो पत्ता लगाएर गति बढाउन उनले सरकारसँग आग्रह गरे ।
यसबीचमा निजी क्षेत्रले भने पुनर्निर्माणको कामका प्रगति गरेको उनले सुनाए ।
आफू घरबाट महाराजगञ्ज र नक्सालको भाटभटेनी हुँदै सदनमा आउने गरेको बताउँदै उनले भने, ‘भदौ २४ को विध्वंसले खरानी बनेका व्यापारिक केन्द्रहरू आज थप बलियो र संरचनात्मक तरिकाले उठिसकेका छन् । निजी क्षेत्रको त्यो ऊर्जा देखेर मलाई गर्व लाग्छ ।’
तर, सिंहदरबार छिर्दा त्यो ऊर्जा बाँकी नरहने महामन्त्री आचार्यले सुनाए ।
‘जब म सिंहदरबारको गेटबाट भित्र छिर्छु, जलेको सिंहदरबार र गृहमन्त्रालय अझै उस्तै बेवारिसे देख्छु’, उनले भने, ‘यो पालाको बजेट नै नयाँ संसद् भवनमा हुने भनेकामा आज पनि यो अस्थायी भवनबाट आफ्ना कुरा राखिराखेको छु ।’
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4