१ सय १३ वर्षकी अन्ना स्टोयरले अन्ततः फेसबुकमा खाता खोलेकी छिन् । तर उनले फेसबुकको सदस्य हुँदा आफ्नो उमेर भने ढाँट्नुपरेको छ ।
आखिर किन ? विश्वका सबैभन्दा बढि उमेरका मानिस मध्येकी एक अन्नालाई फेसबुकमा खाता खोल्नका लागि आफ्नो उमेर लुकाउने बाध्यता किन आइपर्यो ?
वास्तवमा फेसबुकको अदूरदर्शी कामका कारण अन्ना पीडित भएकी हुन् । युवाहरुप्रति लक्षित भनिएको फेसबुकले सन् १९०५ भन्दा अघि जन्मिएका मानिसहरुलाई फेसबुकमा खाता खोल्नबाट बञ्चित गरेको छ ।
अर्थात् फेसबुक अकाउण्ट खोल्दा सबैभन्दा पाको उमेर भनेको जन्मसाल सन् १९०५ हुनैपर्छ, त्यसभन्दा अघि जन्मिएकाले फेसबुकमा खाता खोल्दा आफ्नो उमेर तल झार्नैपर्छ । अमेरिकाको मिनिसोटाकी बासिन्दा अन्नाले पनि त्यसै गरिन् ।
सन् १९०० को अक्टोबर १५ मा जन्मिएकी अन्नाले फेसबुकमा खाता खोल्नका लागि आफ्नो उमेर १५ वर्ष घटाइन् र अहिले ९९ वर्ष उमेर राखिन् ।
फेसबुकमा खाता खोलेपछि अन्ना अहिले ‘सबैभन्दा बूढी किशोरी’ को उपमाले चर्चित बनेकी छिन् ।
उनले आफ्नो आइप्याडमा फेसबुक चलाएर आफ्ना परिवारका सदस्य तथा पूराना साथीहरुलाई धमाधम ‘एड’ गरिरहेकी छिन् ।
अन्नाको जन्म १९०० हुनु पर्नेमा अन्यथा भएकाले सच्याइएको छ-स.
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4