३१ असोज, काठमाडौं । मनाङ मर्स्याङ्दी क्लब ३५ औं गभर्नर्स गोल्डकप फुटबलको सेमिफाइनलमा प्रवेश गरेको छ ।
शुक्रबार भएको खेलमा इण्डियन आर्मी ११ लाई २-० ले पराजित गर्दै मनाङले अन्तिम चारमा स्थान बनाएको हो ।
खेलमा मनाङले २१ औं मिनेटमा डोडोजको गोलबाट अग्रता लिएको थियो । ६५ औं मिनेटमा शिव श्रेष्ठले मनाङको अग्रता दोब्बर पारे । उनले दीपक राईको पासमा गोल गरेका हुन् ।
खेलमा थप गोल हुन सकेन र मनाङ २-० को जितका साथ अन्तिम चारमा स्थान बनाउन सफल भएको छ ।
