२०७१ कात्तिक १७ गते १७:५० 
१७ कात्तिक, काठमाडौं । पाकिस्तानले २० वर्षपछि अष्ट्रेलियाविरुद्ध टेष्ट क्रिकेट सिरिज जितेको छ । जितसँगै पाकिस्तान टेष्ट र्याङ्किङमा तेस्रो स्थानमा समेत उक्लिएको छ ।
दोस्रो तथा अन्तिम टेष्टको अन्तिम दिन ४ विकेटको क्षतिमा बनाएको १४३ रनबाट खेल्न गालेको अष्ट्रेलिया २४६ मा अलआउट भयो ।
पाकिस्तानका स्पिजर जुल्पिmकर बाबर दोस्रो पारीमा पनि अष्ट्रेलियाली व्याट्सम्यानहरुमाथि हावी भए । उनले १२० रन दिएर ५ विकेट लिए । यासिर साहले ३ तथा मोहम्मद हफिजले दुई विकेट लिए ।
यसअघि पाकिस्तानले ६ विकेटको क्षतिमा ५७० रन बनाएर पहिलो पारी समाप्तीको घोषणा गरेको थियो भने अष्टे्रलिया २६१ रनमा अलआउट भयो ।
दोस्रो पारीमा पनि पाकिस्तानी व्याट्सम्यानका सामू अष्ट्रेलियाका बलरहरु चल्न सकेनन् । पाकिस्तानले तीन विकेटको क्षतिमा २९३ रन बनाएको पारी समाप्तीको घोषणा गरेको थियो ।
पहिलो टेष्ट पाकिस्तानले २२१ रनले जितेको थियो ।
प्रतिक्रिया 4