११ मंसिर, काठमाडौं । रिट्रिटका लागि धुलिखेल पुगेका सार्कका शीर्ष नेताहरुले द्वारिकाज रिसोर्टमा शुद्ध शाकाहारी खाना खाएका छन् ।
रिसोर्टले सार्कका विशिष्ठ पाहुनाका लागि बनाएको अलग्गै मेनुमा मासुजन्य कुनै पनि परिकार समावेश थिएन ।
विशिष्ठ व्यक्तिहरुको दिवा भोजको शुरुवात हरियो फलफूल सहितको सलादबाट भएको थियो । त्यस्तै भेज ममः र सुप सबैले चाखेका थिए ।
खानाको मुख्य परिकारमा भने नेपाली थाली खाना समावेश गरिएको भारतीय विदेश मन्त्रालयका प्रवक्ताले ट्वीटमार्फत सार्वजनिक गरेका छन् ।
रातो मार्सी, खैरो र सेतो तीनै थरि चामलको भात पकाइएको र चामल अर्गानिक तरिकाले उत्पादन गरिएको द्धारिकाज व्यवस्थापनले जनाएको छ ।
पूर्ण शाकाहरी दिवाभोजमा आठ प्रकारका तरकारी समावेश थिए । खाना खाएपछिको डिजर्टमा भने सार्कका आठै देशका परिकार राखिएको थियो ।
जसमा अफगानी बक्लवा, बंगलादेशी रसबरी, भुटानको दैसी, भारतको गुजराती बसुन्दी र जलेबीसँँग, माल्दिव्सको पिरिनी, नेपालको सिकर्मी, पाकिस्तानको शाही टुक्रा र श्रीलंकाको वाटालप्पन समावेश थिए ।
सार्क पाहुनाको लागि तयार पारिएको मेनु हेर्नुहोस्-