१० पुस, काठमाडौ । सरकारले सार्वजनिक स्थानमा धुम्रपान तथा सुर्तीजन्य पदार्थको सेवन निषेध गरेको छ ।
सर्वसाधारण तथा सरकारी ओहदामा रहेका व्यक्तिलाई सार्वजनिक ठाउँमा धुम्रपान गरे वा सुर्तीजन्य पदार्थको सेवन गरे कानुन लाग्छ । तर, एक कार्यक्रममा सहभागी भएका कृषिमन्त्री हरिप्रसाद पराजुलीले प्रमूख अतिथिको आसनबाट सुर्ती माडेर खाए । धरान-२६ मा आयोजित कृषि कार्यक्रमको अवलोकन गर्न गएका मन्त्री पराजुलीले आफूले मात्र नभइ अखिल नेपाल किसान महासंघका केन्द्रीय सदस्य गणेश गुरागाइँलाई पनि सुर्ती बाँडेको तस्वीर नयाँ पत्रिकाले छापेको छ ।
