२४ पुस, काठमाडौं । श्रीलंकामा राष्ट्रपति चयनकोलागि मतदान शुरु भएको छ । निर्वाचनमा हालका राष्ट्रपति महिन्दा राजापाक्ष र मैथ्रिपाला सिरिसेनाबीच कडा प्रतिस्पर्धा हुने अनुमान छ ।
सन् २००९ मा गृहयुद्ध अन्त भएयता शासन सत्ता सम्हालेका राष्ट्रपति राजापाक्षलाई सिरिसेनाले कडा चुनौति दिने अन्तराष्ट्रिय सन्चार माध्यमको विश्लेषण छ ।
यद्यपी राजापाक्ष अहिले पनि लोकप्रीय मानिन्छन् । तर अर्का प्रत्यासी सिरिसेनाले राजापाक्षले सबै जनतालाई समान व्यवहार नगरेको आरोप लगाएका छन् । उनले आफूले सबै जनतालाई समान व्यवहार गर्न उम्मेद्वारी दिएको बताएका छन् ।
