२७ माघ, काठमाडौं । विवादास्पद छविका ल्यारक्याल लामालाई सभासद बनाएपछि एमाओवादी भित्रभित्रै सल्किएको आक्रोशको आगो आज बाहिर सार्बजनिक हुँदैछ । यसअघि पार्टी भित्र र सामाजिक सन्जालहरुमा विरोधका अभिव्यक्ति आएका थिए ।
एमाओवादी नेता प्रभु साहले सिंहदरबारमा मंगलबार पत्रकार सम्मेलन गरी आफ्नो धारणा सार्बजनिक गर्न लागेका हुन् ।
साहले आफू निकटका पत्रकारहरुलाई टेलिफोन गरी पत्रकार सम्मेलमा बोलाएका छन् । ‘लामालाई पार्टीले सभासद बनाएको विषयमा छलफल गर्नु छ आउनुहोला है,’ साहले पत्रकारहरुलाई भनेका छन् । पत्रकार सम्मेलन दिउँसो साढे ३ बजे हुने साहले बताएका छन् ।
एमालेबाट एमाओवादीमा प्रवेश गरेका लामालाई एमाओवादीले आइतबार सभासद बनाएको थियो । जनयुद्ध, जनआन्दोलनमा त्याग र बलिदान गरेकाहरुलाई बेवास्ता गर्दै दोहोरो नागरिकता लिएको भनेर विवादमा मुछिएका लामालाई सभासद बनाइएको भन्दै एमाओवादी भित्र असन्तुष्टि चुलिएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4