६ चैत, काठमाडौं । परम्परागत घोडेजात्राको अवसरमा सैनिकमञ्च टुँडिखेलमा आयोजित विशेष समारोहमा अश्वकला प्रदर्शन गरिएको छ । नेपाली सेना र नेपाल प्रहरीले टाँगन र चार्जर घोडा दौड प्रस्तुत गरेका थिए ।
शो जम्प, ड्रिल राइड, ग्रुप टेण्ट पेगिङ, साइकल दौड, म्युजिकल राइड, क्रस कन्ट्री जम्पसमेत प्रस्तुत गरिएको थियो ।
म्युजिकल राइडर र शो जम्पका उत्कृष्ट प्रतियोगीलाई पुरस्कार प्रदान गर्नुभयो । शो जम्पमा जमदार जगदिश घिसिङ र सेनानी प्रकाश अर्याल क्रमशः प्रथम र द्वितीय भए ।
म्युनिकज राइडरतर्फ सहसेनानी ऋषिकेश न्यौपाने प्रथम तथा सहसेनानी पवन विष्ट दोस्रो भए ।
राष्ट्रपति डा. रामवरण यादव, उपराष्ट्रपति परमानन्द झा, प्रधानमन्त्री सुशील कोइराला, सभामुख सुवास नेम्वाङ लगायत विशिष्ट अतिथिहरुको समारोहमा सहभागिता थियो ।
घोडेजात्रा हेर्न टुँडिखेल वरपर सर्वसाधारणको घुइँचो लागेको थियो ।
हेर्नुहोस् फोटो फिचर-
तस्वीर : विकास श्रेष्ठ/अनलाइनखबर
