श्वेता खड्काले भनिन् : अमेरिकाबाट उठेको सम्पूर्ण रकम भूकम्प पीडितलाई

१७ बैशाख, काठमाडौ । भूकम्पको महाविपत्तिवाट पीडित भएकालाई सहयोग गर्न नेपाली कलाकारले पनि तत्परता देखाउन थालेका छन् ।
अहिले उपचारको क्रममा अमेरिकामा रहेकी नायिका श्वेता खड्काले चलचित्र ‘कोहिनुर’ को अमेरिका प्रदर्शनवाट उठेको सम्पूर्ण रकम भुकम्प पीडितलाइ दिने घोषणा गरेकी छिन् ।

नेपालमा भुकम्प आएको खबर सुनेर मर्माहित भएकी श्वेताले चाहेर पनि नेपाल आउन नसकेको उल्लेख गरेकी छिन् । ‘डाक्टरको सल्लाह अनुसार अझै केही दिन अमेरिकामै बस्नुपर्ने भएको छ ।’
दुई ट्रक उद्धार सामग्री सहित सिन्धुपाल्चोक पुगेका अभिनेता हरिबंश आचार्यले अरुलाई पनि यो विपतमा सहयोग गर्न आग्रह गरेका छन् ।
अभिनेत्री प्रियंका कार्की भुकम्प गए लगत्तै उद्धारकार्यमा सहभागी भएकी थिईन् । उनले केही घण्टा बीर अस्पतालमा गएर घाईतेहरुको सेवा पनि गरिन् । लोकगायिका सुनिता दुलालले आफ्नो गाउँ सिन्धुपाल्चोकको जलवीरेमा अहिलेसम्म कुनै पनि राहत सामग्री नपुगेकोे बताउदै परिवारको तर्फवाट एक लाखको अक्षयकोष स्थापना गरेकी छिन् ।

निर्मात्री एवं पूर्वमिस नेपाल माल्भि सुब्बा र निर्देशक निलु डोल्मा शेर्पाले नुवाकोटको भुकम्प पीडितलाई राहत सामग्री पठाएका छन् । हाँस्य कलाकार निरु खड्काले मुलपानीमा घर भत्केको ठाँउमा गएर इट्टा पन्छाएकी थिईन् ।
निर्मात्री एवं अभिनेत्री पूजना प्रधानले भुकम्प पिडितका लागि राहत संकलन सुरु गरेकी छिन् ।