२६ भदौ, काठमाडौं । हिन्दु राष्ट्र माग गर्दै प्रदर्शनमा उत्रिएकाहरुले अर्का आन्दोलनकारीमाथि आक्रमण गर्न खोजेपछि प्रहरीले लाठीचार्ज गरेको छ ।
हिन्दुवादीहरुले शनिबार अपराहृन माइतीघर मण्डलाबाट प्रदर्शन गरेका थिए । बानेश्वरको एभरेष्ट होटल अगाडि पुगेपछि प्रहरीले रोकेको थियो ।
प्रहरी र आन्दोलनकारीबीच धकालाधकेल भइरहेको बेला केही प्रदर्शनकारी अर्का आदोलनकारीमाथि आक्रमण गर्न पुगेपछि स्थिति तनावग्रस्त भएको हो ।
एभरेष्ट होटलको वालमा पाल टाँगेर सभासद विश्वेन्द्र पासवान आमरण अनसनमा बसेका छन् । उनको अनसन स्थलमा तोडफोड गर्न खोजेपछि प्रहरीले लाठी चार्ज गर्नुका साथै केही सेल अश्रुग्यास हानेको छ ।