भक्तपुरमा फुटवल कला सिकाउँदै बेकहृयाम (फोटो फिचर र भिडियो)

श्रीधर पौडेल 

२० कात्तिक, काठमाडौं । विनाशकारी भूकम्पले थिलथिलो भएको भक्तपुरको पाँच तले मन्दिर परिसरमा शुक्रबार निकै रमाइलो माहोल थियो ।

वरिपरि विद्यार्थीदेखि युवाहरु हुटिङ गरिरहेका थिए भने मन्दिर प्राङ्गणको एक भागमा इंग्ल्याण्डका चर्चित फुटबलर डेभिड बेकहृयाम बालबालिकासँग फुटबल खेलिरहेका थिए ।

बेकहमले पद्मा उच्च माध्यमिक विद्यालयका विद्यार्थीहरुसँग केहीबेर फुटबल खेल । इटा ओछ्याइएको मैदान भएपछि विद्यार्थीहरु बेकहृयामसँग निकै रमाएर फुटबल खेलेका थिए ।

भिडियो

बीबीसीको एक डकुमेन्ट्री छायाङ्कनका क्रममा बेकहृयाम बिहीबार काठमाडौं आएका थिए । विमानस्थलबाट सोझै भक्तपुरतिर लागेका उनले सल्लाघारीमा पुगेपछि सफा टेम्पो चलाए । (पढ्नुस् समाचार)

दरबार स्क्वायर क्षेत्रका साथै भूकम्प प्रभावितहरुको शिविरको समेत अबलोकन गरे ।

बेकहृयामको स्वागतमा फुटबल समर्थकहरु उनको जर्सी हातमा बोकेर अटोग्राफका लागि बसेका थिए । उनीहरु अधिकांश समय बेकहृयामको स्वागतमा चियरिङ गरिरहे । फुटबल खेलेपछि बेकहृयामलाई समर्थकहरुले हात हल्लाएर विदाइ गरे ।