४ माघ, काठमाडौं । नेपाल आयल निगमले काठमाडौं उपत्यकामा बुधबारदेखि निजी मोटरसाइकललाई पेट्रोल वितरण गर्ने भएको छ ।
सोमबार वाणिज्य मन्त्रालयमा भएको बैठकले लटका आधारमा बुधबारदेखि तीन दिन मोटरसाइकललाई पेट्रोल दिने निर्णय गरेको हो । निगमले यो पटक पनि दिन बिराएर लट अनुसार तेल बाँड्ने भएको छ ।
६ गते बुधबार १ देखि ३० लटका मोटरसाइकलले तेल भर्न पाउनेछन् भने ८ गते शुक्रबार ३० देखि ५० लटका मोटराइकलको पालो आउने थानकोट डिपो प्रमुख जगन्नाथ घिमिरले अनलाइनखबरलाई जानकारी दिए ।
११ गते सोमबार ५१ भन्दा देखि माथिका लटका मोटरसाइकललाई तेल बिक्री गर्ने तालिका बनेको छ । मोटरसाइकललाई पाँच लिटरका दरले तेल दिइनेछ । निगमले यो पटक पनि विहान ९ बजेदेखि तेल वितरण सुरु हुने बताएको छ । यसका लागि अघिल्लै दिन पम्पहरुमा तेल पुर्याइने प्रमुख घिमिरेले बताए ।
तेल झारेपछि बिहान ९ बजेसम्म पम्पहरु सिल गरिनेछ । तेल लिन नवीकरण भएको ब्लुबुक अनिवार्य गरिएको छ । यसपटक ५ लाख लिटर भन्दा बढी पेट्रोल वितररण हुने डिपो प्रमुख घिमिरेले बताए ।
यसैगरी हप्ताको दुई दिन कालो र हरियो नम्बरको ट्याक्सीलाई तेल दिने निर्णय पनि भएको छ । निजी कार तथा जीपलाई कारलाई एक हप्ता अघि नै पेट्रोल वितरण भएको थियो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4