बैशाख १५, सल्यान । गएराति सल्यानमा एकै घरका चार जनाको हत्या भएको छ ।
छायाक्षेत्र ९ रानागाउँ निवासी रमेश खान ठकुरीकी २३ बर्षीया श्रीमती सीता खान ठकुरी, छोरीहरु ३ बर्षीया पवित्रा खान ठकुरी र १ बर्षीया सविता खान ठकुरी र साली अनी शानपा ११ मार्के की १८ बषिर्या गीता गिरीको हत्या गरिएको हो ।
गएराति नै हत्या भएपनि उनीहरुको शव आज बिहानमात्र भेटिएको थियो । हत्याकोजानकारी स्थानीय गाउँलेले आजबिहान मात्र पाएका थिए । उनीहरुको हत्या हुँदा बेलुकीको खाना खाइनसकेको प्रमाण भेटिएपनि हत्या कसले र किन गरेको भन्नेबारे केहि थाहा नभएको स्थानीयले बताएका छन् ।
घटनास्थल पुगेर प्रहरीले शव संकलन गरी अनुसन्धान प्रक्रिया अगाडि बढाएको छ ।
सल्यानमा पछिल्लो समय हत्याका घटनाहरु बढेका छन् । गत फागुन २२ मा त्रिवेणीमा पनि निर्मला वि.क.को हत्या भएको थियो । हत्याको छानविनका लागि विभिन्न समितिहरु गठन गरिए पनि पीडितले अहिलेसम्म न्याय नपाएको गुनासो गरेका छन् ।
