१७ वैशाख, काठमाडौं । अमेरिकाको औपचारिक भ्रमणमा रहेका प्रधानसेनापति राजेन्द्र क्षत्री अमेरिकी सेनाको ‘हल अफ फेम’मा सम्मानित भएका छन् ।
अमेरिकाको पेन्सिलभेनियास्थित युएस आर्मी वार कलेजमा तालिम गरेका क्षत्रीलाई सम्मानका क्रममा तालिकमा तस्वीरहरु पनि प्रदर्शन गरिएको थियो ।
सम्मान कार्यक्रममा ७३ राष्ट्रका करिब ४०० जना वरिष्ठ सैनिक अधिकृतहरु, कूटनीतिज्ञहरु तथा वरिष्ठ गैर सैनिक कर्मचारीहरुको उपस्थिती रहेको थियो ।
अमेरिकी सेनाको यस केन्द्रले यहाँबाट तालिम सम्पन्न गरी उच्च ओहदामा पुग्न सफल भएका सैनिक अधिकारीहरुलाई सम्मान दिने गर्छ । यसरी सम्मानित हुने क्षत्री ६१ औं सैनिक उच्च अधिकारी हुन् ।
यसअघि, उनी युएस आर्मीकै कमाण्ड एण्ड जनरल स्टाफ कलेजमा पनि सम्मानित भएका थिए । दुवै कजेलमा हल अफ फेममा सम्मानित हुने क्षत्री नेपालकै पहिलो प्रधानसेनापति हुन् ।
