नयाँ बस चलाएको भन्दै व्यवसायी र प्रहरीबीच झडप

२५ वैशाख, दाङ । दाङको तुलसीपरमा बस व्यवसायी र प्रहरीबीच झडप भएको छ ।

आजबाट सञ्चालनमा आउन लागेको मालिका कालिका यातायातको बसलाई अबरोध गर्न खोज्ने राप्ती अञ्चल सार्वजनिक यातायात व्यवसायी र प्रहरीबीच झडप भएको हो ।

झडपका क्रममा राप्ती यातायात समितका अध्यक्ष सुरेश हमाल घाइते भएका छन् । प्रहरीले यातायात सञ्चालनमा अवरोध पुर्‍याउन खोज्ने तीन जनालाई नियन्त्रणमा लिएको छ ।

यसक्रममा समाचार संकलनकामा रहेका पत्रकार गणेश आचार्यको क्यामेरा राप्ती बस व्यवसायी संघका बरिष्ठ उपाध्यक्ष भरनाथ योगीले नियन्त्रणमा लिएका छन् । आफ्नो क्यामेरा खोसेर लगेपछि आचार्यले पत्रकार महासंघ दाङमा लिखित जानकारी दिएको जनाएका छन् ।