२८ वैशाख, काठमाडौं । सडकको ट्राफिक व्यवस्थापनमा खटिएका प्रहरीहरु कसरी निरीह बन्दारहेछन् भन्ने दृश्य अनामनगरमा फेरि देखिएको छ ।
अनामनगरको सडकपेटीमा सवारी साधनहरु जथाभावी पार्किङ गरिएको सचित्र समाचार अनलाइनखबरमा प्रकाशित भएकै दिन सोमबार प्रहरीले त्यहाँका गाडी उठायो । तर, मंगलबार पुनः सडकको दृश्य उही पुरानै देखियो ।
यात्रुहरु हिँड्ने पेटीमासमेत पार्किङ गरिएको र बाटो अवरुद्ध पारिएको समाचार सोमबार अनलाइनखबरमा प्रकाशित भएको थियो ।
हेर्नुहोस् समाचार- बग्गीखानाका हाकिमले नदेखेको तमासाः पेटीमै पार्किङ
अनलाइनखबरमा समाचार छापिएको केही घण्टापछि नै त्यहाँ ट्राफिक प्रहरी पुगेर सवारी साधनहरु हटाएको थियो ।
यो पनि पढ्नुहोस्- बग्गीखानाको तात्तातो एक्सन, अनामनगरको सडक पेटी एक घन्टामै साफ !
प्रहरीको कारवाहीपछि त्यहाँको ट्राफिक व्यवस्थापन हुने स्थानीय अनमनगरवासीले अनुमान गरेका थिए । तर, मंगलबार फेरि उस्तै पुरानै दृश्य यस्तो देखियोः
