यशराज ब्यानरले नयाँ चलचित्र ‘धुम ४’ बनाउने तयारी थालेको छ । चलचित्रलाई कसले निर्देशन गर्छन् भन्ने पक्का भैसकेको छैन । तर, यो चलचित्रमा मुख्य २ कलाकार अनुवन्धित भएको खबर सार्वजनिक भएको छ । चलचित्रका निर्माता आदित्य चोपडा यसपटक चलचित्रलाई यूवापूस्ता लक्षित बनाउन चाहन्छन् । यसैले, यूवापुस्ताले रुचाएका कलाकार नै राख्ने तयारी उनको हो ।
यसपटक चलचित्रमा अघिल्ला ३ सिक्वेलमा भएका उदय चोपडा र अभिषेक बच्चन नरहने भारतीय मिडियाको दाबी छ । यसपटक चलचित्रमा नायक सलमान खान र रणवीर सिंहको जोडीलाई पर्दामा उतार्न लागिएको खबर सार्वजनिक भएको हो । सलमान खान चलचित्रमा खलपात्रको भूमिकामा देखिनेछन् ।
‘धुम’ बलिउडको सर्वाधिक सफल सिक्वेल चलचित्र हो । रणवीर सिंहले सलमानको पिछा गर्नेछन् ।
