बलिउडमा समेत आफ्नो अभिनयले चर्चा पाइसकेका छन्, सुनिल थापाले । नेपाली चलचित्र क्षेत्रका चर्चित कलाकार थापाले चाडै नै अर्को बलिउड चलचित्र गर्दैछन् जसलाई फ्यान्टम कम्पनीले निर्माण गर्दैछ ।
उनै सुनिल थापालाई सामाजिक संजाल भनेपछि खुबै डर लाग्दो रहेछ । आफू अध्यक्ष रहेको ‘एभरेष्ट फिल्म एकेडेमी’को उद्घाटन कार्यक्रममा बोल्दा सुनिलले सजगता अपनाए । यसको पछाडि मुख्य कारण थियो, सामाजिक संजालप्रतिको डर ।
बोल्न सुरु गर्दा नै सुनिलले केही कुरा चिप्लियो भने सामाजिक संजालमा आइहाल्ने भन्दै आफू सजग भएर कुरा गर्ने बताएका थिए । उनले आफ्नो मन्तव्य विर्सजन गर्दा पनि आफू कतै नचिप्लिएकोले सामाजिक संजालमा केहि नआउने भन्दै आनन्द महशुश गरे ।
नेपाली चलचित्र क्षेत्रमा ‘राते काँइला’को नामले परिचित सुनिल आखिर किन यति धेरै सामाजिक संजालदेखि डराएका हुन् ? कतै करिश्मा मानन्धर बोल्दा चिप्लिएपछि भएको आलोचनाले सुनिल सजग भएका त होइनन् ।
