२१ साउन,काठमाडौं । तीन दशकदेखि एउटै लक्ष्य र उही गन्तव्य बनाएर पटकौं सदरमुकाम धाइरहेको लोकगायिका माया गुरुङको दम्पत्ती निकै खुसी थियो ।
बंशजका आधारमा नागरिकता पाउने जन्मसिद्ध अधिकार भए पनि अन्तरजातीय विवाहकै कारण यो जोडी नागरिकताबाट बञ्चित थियो । २५ वर्षको संघर्षपछि नागरिकता पाउँदा उनीहरुको खुसीको सीमा रहेन । आजको अन्नपूर्णमा समाचार छ ।
‘आज मेरो जिन्दगीकै खुसीको दिन हो,’ नागरिकता हातमा परेपछि खुसी हुँदै लोकगायिका माया गुरुङले भनिन् । जीवनभरको लडाई जितें, खुसी छु ।’
नागरिकताको लडाईंमा उनका पति लोकमान गुरुङलाई उतिसारो वास्ता थिएन । नागरिकता नभएकै कारण वैदेशिक रोजगारी र अन्य सम्भावनाका ढोका बन्द भएपछि उनले गाउँमै कृषि र्फम गरे । तर, मायालाई आफ्नो भन्दा सन्ततिको भविष्यको चिन्ता थियो । त्योभन्दा चिन्ता, २१ औं शताव्दीमा पनि कायमै रुढिवादीलाई तोड्ने थियो ।
विवाहको पाँच वर्षपछि नागरिकताको पहल गरेको भएपनि उनीहरुले आवश्यक कागजपत्र नहुँदा नागरिकता पाउन सकेका थिएनन् । केही नलागेपछि अदालति प्रक्रियामा पुगेका उनीहरुले मुद्दा जिते ।
जिल्ला अदालत लमजुङले ६ असोज २०७२मा गरेको ‘बुबा छोरा’ बीचको नाता कायम भएको फैसलालाई पुनरावेदन अदालत पोखराले ६ जेठ २०७३मा सदर गर्यो ।
श्रीमान लेखमानले वंशजका आधारमा नागकिता लिए । अदालतको फैसलाका आधारमा प्रहरीले पाँचजना छिमेकी राखेर वडा मुचुल्का र आठजना छिमेकीले सनाखत गरिदिए ।
