१ भदौ, काठमाडौं । भारत प्रशासित जम्मू कश्मीरको बारामुला जिल्लामा चरमपन्थी हमलामा तीन सुरक्षाकर्मी मारिएका छन् । जसमा दुई सेनाका जवान रहेका छन् ।
प्रहरीका अनुसार आक्रमणमा तीन सुरक्षाकर्मी घाइते भएका छन् । चरपन्थीले मंगलबार राति सेनामाथि आक्रमण गरेका थिए ।
समाचार एजेन्सी पीटीआईले प्रहरीलाई उद्धृत गर्दै जनाए अनुसार चरमपन्थी हमलामा एक प्रहरी पनि मारिएका छन् र अन्य एक घाइते छन् । चरमपन्थीले उनीहरुको गाडीमा हमला गरेका थिए ।
आक्रमणकारीले ठूलो मात्रमा विस्फेटको तयारी गरेपनि उनीहर भागेका थिए ।