१७ असोज, काठमाडौं । जनमोर्चा निकट अखिल नेपाल राष्ट्रिय स्वतन्त्र विद्यार्थी युनियन (छैठौं)को २०औं राष्ट्रिय सम्मेलनले विमल पोखरेलको अध्यक्षतामा ३९ सदस्यीय केन्द्रीय समिति निर्वाचित गरेको छ ।
‘शैक्षिक समानता र राष्ट्रिय एकताको लागि २० औं सम्मेलन’ भन्ने मूल नाराका साथ यही असोज १४ गतेदेखि १६ गतेसम्म काठमाडौंमा राष्ट्रिय सम्मेलन आयोजना गरिएको थियो ।
सम्मेलनले प्युठानका विमल पोखरेललाई अध्यक्षमा चयन गरेको हो । यसअघि अखिल छैठौंको अध्यक्ष अनिल किशोर घिमिरे थिए ।
यसैगरी उपाध्यक्षमा देवेन्द्र कुँवर (अर्घाखाँची), रेशम कँडेल (पाल्पा), महासचिवमा बाग्लुङका भिमलाल पोखरेल र कोषाध्यक्षमा ललितपुरका बसन्त खनाल चयन भएका छन् ।
यसैगरी सचिवमा महेश जोशी (कञ्चनपुर) र गणेश अधिकारी (कास्की) चयन भएको अखिल छैठौंले जनाएको छ ।
सचिवालय सदस्यमा मनु सिंजाली (काठमाडौं) र डबल तिरुवा (डोटी) चयन भएका छन् ।
प्रतिक्रिया 4