२०७३ मंसिर १ गते १६:१३ 
१ मंसिर, काठमाडौं । लियोनल मेस्सीको अगुवाईमा अर्जेन्टिनाका फुटबलहरुले पत्रकार सम्मेलन बहिस्कार गरेका छन् ।
बुधबार अर्जेन्टिनाले घरेलु मैदानमा भएको विश्वकप छनौट खेलमा कोलम्बियालाई ३-० ले हराएको छ । जुन खेलमा एक गोल गरेका मेस्सीले दुई गोलका लागि पास मिलाएका थिए ।
तर, मिडिया बहिस्कारको घोषणा गरे । २९ वर्षे कप्तान मेस्सीले भने, ‘हामीमाथि धेरै आरोप लाग्यो । हामीप्रति सम्मानको ठूलो अभाव छ, तर हामीले कहिल्यै केही भनेनौं ।’
लगत्तै मेस्सीसहित २५ सदस्यीय टोली पत्रकार सम्मेलनबाट बाहिरियो ।
साथै लाभाजीले आफ्नाबारे गलत रिपोर्ट बनाउने रेडियोविरुद्ध अदालत जाने बताएका छन् । लाभाजीले ट्रेनिङका क्रममा गाँजा तानेको भन्दै एक रेडियोले रिपोर्ट बजाएको थियो ।
खेलाडीप्रति सम्मान नजनाउनेहरू धेरै नभएपनि आफूहरुमाथि लागेको आरोप व्यक्तिगत जीवनमा निकै गम्भीर भएको मेस्सीेले बताए ।
ब्राजिलसँग ३-० ले पराजित भएपछि अर्जेन्टिनी टोलीको चर्को आलोचना भएको थियो ।
प्रतिक्रिया 4