२१ पुस, काठमाडौं । शुक्रवार एमाले सहितका ९ राजनीतिक दलले संविधान संशोधनबिरुद्ध गर्न लागेको शक्ति प्रदर्शनको पूर्वसन्ध्यामा एमालेले राजधानीमा विहीवार वृहत मोटरसाइकल र्याली निकालेको छ ।
उपत्यका तीनै जिल्लाबाट एमाले कार्यकर्ताहरु मोटरसाइकलसहित प्रदर्शनीमार्गमा भेला भएका थिए ।
दश हजार भन्दा बढीको सहभागिता रहेको मोटरसाइकल र्यालीका कारण राजधानीको सवारी आवागमन प्रभावित भएको थियो । जनप्रदर्शनको प्रचार-प्रसारका लागि विहिवार अपरान्ह ३ बजे प्रदर्शनीमार्ग काठमाडौंबाट मोटरसाइकल र्याली आयोजना गरिएको हो ।
मोटरसाइकल र्यालीको शुरुवात एमाले अध्यक्ष केपी शर्मा ओलीले गरेका थिए भने प्रमुख नेताहरु पनि सहभागी थिए ।
र्याली भद्रकाली, सहिदगेट, त्रिपुरेश्वर, कुपण्डोल, पुल्चोक, जाउलाखेल, लगनखेल, सातदोबाटो, कोटेश्वर, सिनामंगल, बत्तीसपुतली, डिल्लीबजार, बागबजार हुँदै रत्नपार्कमा पुगर समापन भएको थियो ।
