२९ पुस, भैरहवा । विश्व क्यान्सरविरुद्ध दिवसको अवसरमा भैरहवामा क्यान्सर न्यूनिकरणका लागि निःशुल्क स्वास्थ्य शिविर सञ्चालन हुने भएको छ ।
रोटरी क्लब अफ भैरहवाको आयोजनामा अगामी माघ १५ र १६ गते निःशुल्क स्वास्थ्य शिविरको अयोजना गरिएको हो । शिविरमा रोग क्यान्सरसम्बन्धी जनचेतनामुलक कार्यक्रम हुने क्लबका अध्यक्ष राजकुमार गुप्ताले बताए ।
उनले सामाजिक कार्यलाई निरन्तरता दिँदै क्लबले विश्व क्यान्सरविरुद्धको दिवसमा निःशुल्क स्वास्थ्य शिविरको आयोजना गरिएको बताए ।
गुप्ताका अनुसार शिविरमा उपचारका तथा परामर्शका लागि डा. सुदिप श्रेष्ठसहित वरिष्ठ क्यान्सर रोग विशेषज्ञहरुसँगै २२ जना नर्सहरु आउने छन् ।
जनचेतनामूलक कार्यक्रममा क्यान्सरका प्रारम्भिक लक्षण र रोकथामका उपायबारे चर्चा हुने र शिविरले क्यानसरपीडितलाई अकाल मृत्युबाट बँच्न सहयोग पुग्ने अपेक्षा आयोजकको छ ।
नेपाल क्यान्सर सपोर्ट गुप्रका उपाध्यक्ष दिलीप भट्टराईले विश्वमा नै महामारीको रुपमा फैलिन थालेको क्यान्सर रोगको प्राथमिक तहमा नै पत्ता लगाउन सके क्यान्सर निको पार्न सकिने बताएका छन्।
