नायक सलमान खान १८ बर्ष पुरानो एक मुद्दामा अझै पनि घेरिएका छन् । १८ साल पुरानो कालो हरिण शिकारको मुद्दामा जवाफ दिन सलमान खानसहित नायक सैफअली खान, नीलम कोठारी, सोनाली बेन्द्रे र तब्बु जोधपुर अदालत पुगेका छन् । उनीहरुलाई २८ जना व्यक्तिको बयान सुनाइएको थियो ।
सोहि, समयमा सलमानलाई अदालतमा ६५ वटा प्रश्न सोधिएको थियो । सलमानले जवाफमा भनेका छन्-‘म निर्दोष छु । मलाई प्रचारका लागि फसाइएको हो । कालो हरिणको निधन नेचुरल थियो । सो समयमा म होटलमै थिएँ ।’
अदालतमा सैफअली खानले पनि घटनाको समयमा आफू होटलमा रहेको बताएका छन् । यो मामलामा अर्को सुनुवाई फेव्रुअरी १५ मा हुनेछ । आरोपमा भनिएको छ कि, सन् १९९८ अक्टुबर १ को दिन सलमानले कालो हरिणको शिकार गरेका थिएँ ।
जोधपुरमा चलचित्र ‘हम साथा साथ हे’को छायांकनको समयमा सलमान र उनका साथीहरुले कालो हरिण मारेको आरोप लगाइएको छ ।
