१६ फागुन, काठमाडौं । स्ववियु चुनाव अनिश्चित भइरहेका बेला माओवादी केन्द्र निकट अखिल क्रान्तिकारीले निर्धारित मिति फागुन १८ मै स्ववियु निर्वाचन गराउन माग गर्दै राजधानीमा प्रदर्शन गरेको छ ।
राजधानीका अधिकांश क्याम्पसहरुमा नेविसंघ, विप्लव निकट क्रान्तिकारी लगायतले तालाबन्दी गरेर चुनावी प्रक्रिया भाँडेको विरोधमा क्रान्तिकारीले प्रदर्शन गरेको हो ।
विश्वभाषा क्याम्पसबाट सोमबार दिउँसो सुरु भएको जुलुस ल, आर.आर., शंकरदेव पुतलीसडक, बागबजार हुँदै त्रिचन्द्र क्याम्पस पुगेर कोणसभामा परिणत भएको थियोे । त्रिचन्द्रबाट पुनः पुरानो बसपार्क हुँदै आरआर क्याम्पस पुगेर जुलुस समापन भएको थियोे ।
कोणसभामा बोल्दै अखिल क्रान्तिकारीका अध्यक्ष नरेन्द्र न्यौपानेले फागुन १८ गते जुनसुकै हालतमा स्ववियु चुनाव हुनुपर्ने बताए । न्यौपानेले विश्वविद्यालय प्रशासनले प्रहरी प्रशासन लगाएर भएपनि निर्वाचन गर्नुपर्ने माग गरे । कार्यक्रममा अखिल क्रान्तिकारीका उपाध्यक्ष मदन अर्याल, खुसिराम चौधरी, मिलन एमसी लगायतले पनि बोलेका थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4