२४ फागुन, काठमाडौं । दोस्रो टेष्टको दोस्रो इनिङमा घरेलु टोली भारत २७४ रनमा समेटिएपछि अष्ट्रेलियाले जितका लागि १८८ रनको लक्ष्य पाएको छ ।
२१३/४ को स्थितिबाट चौथो दिनको खेल सुरु गरेको भारतले लञ्च सेेसन अगावै आफ्ना सबै विकेट गुमाउँदा २७४ रनमात्र बनाउन सक्यो । उसका लागि चेतेश्वर पुजाराले सर्बाधिक ९२ रन जोडे ।
अजिंक्या राहणेले ५२ र केएल राहुलले ५१ रनको अर्धशतकीय पारी खेले । अष्ट्रेलियाका जस हेजलउडले ६ विकेट लिए भने मिचेल स्टार्क र स्टिभ ओकिफले २/२ विकेट लिए ।
अष्ट्रेलिया केहिबेरमा जवाफी ब्याटिङमा उत्रँदैछ ।
यसअघि टस जितेर ब्याटिङ रोजेको भारत पहिलो इनिङमा १८९ रनमै समेटिएको थियो । जसमा केएल राहुलले ९० र करुण नायरले २६ रन जोडेका थिए । पहिलो इनिङमा अभुतपूर्व बलिङ गर्दै अष्ट्रेलियाका नाथान ल्योनले ८ विकेट लिएपनि घरेलु टोलीको इनिङ ध्वस्त भएको थियो ।
त्यस्तै स्वान मार्सको ६६ र म्याट रेन्सोको ६० रनको सहयोगमा अष्ट्रेलियाले २७६ रन जोड्दै पहिलो इनिङमा ८७ रनको अग्रता बनाएको थियो । रविन्द्र जडेजाले भारतका लागि ६ विकेट चड्काएका थिए ।
बैंग्लोरमा भइरहेको अष्ट्रेलियाबिरुद्धको दोस्रो टेष्टमा पनि भारतीय ब्याट्सम्यानहरुको प्रदर्शन सन्तोषजनक रहेन । यद्यपि पुणे टेष्टको तुलनामा भने केहि सुधारिएको थियो ।
यसअघि पुणेमा भएको पहिलो टेष्टमा ३३३ रनको जित हासिल गरेपछि चार टेष्टको शृङखलामा अष्ट्रेलिया एक शून्यले अगाडि छ ।
