२८ चैत, काठमाडौं । सशस्त्र प्रहरीको जीप सोमबार बिहान दुर्घटनामा परेको छ । दुर्घटनामा १ जनाको मृत्यु भएको छ भने दुई जना घाइते छन् ।
जीप चालकको मृत्यु भए पनि उनको परिचय खुलेको छैन ।
डिएसपी शम्भुजंग थापा र बडिगार्ड शिव कुसवार माझी घाइते भएका हुन् । उनीहरुको उपचारका लागि काठमाडौं ल्याउने तयारी भइरहेको छ ।
गंगुरबाट चरिकोट आउँदै गरेको जीप कालिञ्चोक गाउँपालिका–७, झमाछीमा पल्टिको हो । दुर्घटनाको कारण खुल्न सकेको छैन ।
डिएसपीको टोली जिल्लाको शान्ति सुरक्षा समिति बैठकमा सहभागी हुन सदरमुकाम चरिकोट आउँदै थियो ।
