१३ चैत, काठमाडौं । नेपाली सेनाका प्रवक्ता ४ महिनामै फेरिएका छन् । १७ पुसमा तोकिएका हालका प्रवक्ता सहायक रथी यामप्रसाद ढकालको सरुवा भएको हो ।
उनको ठाउँमा विज्ञानदेव पाण्डे नियुक्त भएका छन् । ढकाल भने पूर्वी पृतना अन्तरगत धनकुटाको हिलेस्थित २ नम्बर बाहिनीपतिको रुपमा सरुवा भएका छन् ।
पाण्डे यसअघि दाङस्थित १९ नम्बर बाहिनीमा कार्यरत् थिए । ढकालले आफू एक सातामा धनकुटातर्फ जाने अनलाइनखबरलाई बताए ।
सेनामा सहायक रथीबाट माथिल्लो तहमा पदोन्नति हुन बाहिनीको कमाण्डर हुन आवश्यक मानिन्छ ।
