१४ बैशाख, रामेछाप । बैशाख ३१ गते हुने स्थानीय तह निर्वाचनका लागि एमाले रामेछापले मन्थली नगरपालिकाको प्रमुख बाहेक अन्य उम्मेदवार टुङ्गो लगाएको छ ।
एमालेले ६ गाउँपालिका र १ नगरपालिकाको प्रमुख र उप्रमुख तथा मन्थली नगरपालिकाको उपप्रमुखको उम्मेदवार तय गरेको । सबै गाउँ र नगरका वडाका अध्यक्ष तथा सदस्यका उम्मेदवार पनि छनोट भएका छन् ।
एमालेका जिल्ला सचिव आनन्द श्रेष्ठका अनुसार जिल्लाका २ नगरपालिकाका र ६ गाउँपालिकका प्रमुख र उपप्रमुख तथा ६४ वटा वटा वडाका अध्यक्ष र सदस्यहरु मध्ये ६० भन्दा बढी वडाको टुङ्गो लागिसकेको छ ।
मन्थली नगरपालिकाको प्रमुखको भने शुक्रबारसम्म टुङ्गो लाग्ने सचिव श्रेष्ठले बताए । शुक्रबारसम्म सबै नाम टुङ्गनिे उनले बताए ।
एमाले रामेछापका प्रचार विभाग प्रमुख प्रकाश कार्कीका अनुसार उमाकुण्ड गाउँपालिकाको प्रमुखमा शेरबहादुर सुनुवार र उपप्रमुखमा महारानी कार्कीलाई उम्मेदवार बनाउने तय भएको छ । सुनुवार पि्रती गाविसमा पूर्व अध्यक्ष हुन् ।
यसैगरी गोकुलगंगाको प्रमुखमा रस्नालु गाविसका पूर्व अध्यक्ष खड्ग सुनुवार र उपप्रमुखमा राधिका श्रेष्ठलाई अघि सारेको छ ।
लिखु गाउँपालिकामा गोविन्द खड्का र दीपशिखा दाहाललाई प्रमुख र उपप्रमुखकका उम्मेदवार बनाइएको छ । गएको संविधानसभामा राप्रपाबाट एक नं क्षेमा उम्मेदवार रहेका खड्का केही समय अघि एमाले प्रवेश गरेका थिए ।
खाँडादेवीमा एमालेले पार्टीका जिल्ला उपाध्यक्ष प्रेम तामाङलाई प्रमुख र मखमली श्रेष्ठलाई उपप्रमुखको उम्मेदवार बनाएको छ । जनमोर्चाको पृष्ठभूमिबाट एमालेमा पुगेका तामाङले जिल्ला विकासको राजनीतिक संयन्त्रमा समेत एमालेको तर्फबाट प्रतिनिधित्व गर्दै लामो समय काम गरिसकेका छन् ।
दोरम्बा गाउँपालिकामा भने एमालेले डडुवा गाविसका पूर्वगाविस उपाध्यक्ष प्रेम लामालाई प्रमुखको उम्मेदवार बनाएको छ । उपप्रमुखमा सुभद्रा पाठक कँडेललाई अघि सारेको छ ।
माओवादीको बढी प्रभाव रहेको सुनापती गाउँपालिकामा माओवादीकै पृष्ठभूमिबाट आएका प्रदिप योञ्जनलाई प्रमुखको उम्मेदवार बनाएको छ ।
जनमोर्चाको राजनीतिक पृष्ठभूमिबाट आएका योञ्जन एमालेको तर्फबाट जिल्ला विकास समितिका सदस्य समेत भइसकेका पुराना नेता हुन् । योञ्जन बिचमा माओवादीमा संलग्न भई केही समय अघि एमालेमा फर्किएका थिए ।
माओवादी केन्द्रले पार्टीका जिल्ला इञ्चार्ज धावा लामालाई नै उम्मेदवार बनाएपछि सबैले यो निर्वाचनलाई महत्वका साथ हेरेका छन् ।
सुनापतिको उप्रमुखमा पाशाङ डोल्माको नाम प्रस्ताव भएपनि त्यसको अन्तिम निर्णय भने हुन बाँकी रहेको एमालेले जनाएको छ ।
रामेछाप नगपालिकाको मेयरमा रोशन पाखि्रनलाई उम्मेदवार बनाइएको छ । उपप्रमुखमा शान्ता सापकोटा र सिता केसीको दावी रहेकोमा केसीको मतदाता नामावलीमै नाम नभएपछि सापकोटाको निश्चित भएको छ ।
मन्थली नगरपालिको प्रमुखको भने अझै टुङ्गो लागेको छैन । पार्टी सचिव आनन्द श्रेष्ठ, पूर्वजिविस सभपाति रमेश वस्नेत, धु्रव कार्की, लव श्रेष्ठ लगायतको दाबी छ । शुक्रबारसम्म टुङ्गो लाग्ने एमाले सचिव आनन्द श्रेष्ठले जनकारी दिए । उपप्रमुखमा भने मायाँ कार्कीको टुङ्गो लागेको छ ।
एउटा बाहेक सबै प्रमुख उम्मेदवार जनजाति
तमाङ र सुनुवार समुदायको बाक्लो बसोबास रहेको रामेछापमा एमालेले स्थानीय तहका उम्मेदवार छनोट गर्दा सोही समुदायका नेतालाई प्राथमिकता दिएको छ । ७ स्थानीय तहका प्रमुखमध्ये लिखुमा गोविन्द खड्का बाहेक सबै तहमा आदिवासी जनजातिलाई प्रमुखमा अघि सारेको ।
एमालेले दुईजना सुनुवार र ४ जना तामाङलाई प्रमुखको उम्मेदवार बनाएको छ । महिला र दलित भने उपप्रमुख तथा वडा सदस्यमा मात्र उम्मेदवार बनेका छन् ।
महिलाहरु सबै नयाँ
एमालेले अघि सारेका महिला उम्मेदवारहरु सबै नयाँ छन् । उनीहरुसँग यस अघिको निर्वाचन र स्थानीय निकायको अभ्यास छैन । उप्रमुखमा उम्मेदवार बनेकामध्ये मन्थली नगरपालिकाकी मायाँ कार्की महिला संघकी केन्दि्रय सदस्य हुन् ।
त्यसैगरी अनेमसंघकी अध्यक्ष भएकी रामेछाप नगपालिकाकी उप्रमुखकी उम्मेदवार शान्ता सापकोटा पनि यस अघि यस्तो अनुभव नभएकी उम्मेदवार हुन् । लिखु गाउँपालिकाकी दीपशिखा दाहाल पनि पार्टीमा लामो समयदेखि सक्रिय रहेकी भए पनि उनलाई पनि चुनावी अनुभव छैन ।
तुलनात्मक रुपमा पुरुषहरु भने पुरानो अनुभव भएका उम्मेदवारहरु छन् । गोकुल गंगाका खड्ग सुनुवार र उमाकुण्डका शेरबहादुर सुनुवारले यसअघि नै गाविस अध्यक्ष चलाइसकेका छन् । लिखुका गोविन्द खड्कालाई स्थानीय तहको अनुभव नभएको पनि सभासदकै चुनाव लडेकाले चुनावको राम्रो अनुभव छ ।
सुनापतिका उम्मेदवार प्रदिप योञ्जन पूर्वजिविस सदस्य समेत भएकोले उनलाई स्थानीय तहको राम्रो अनुभव छ । दोरम्बाका प्रेम लामाले पनि गाविस उपाध्यक्ष भएर स्थानीय तहको अनुभव प्राप्त गरेका छन् ।
खाँडादेवीका प्रेम तामाङको निर्वाचित भएर काम गरेको अनुभव नभए पनि जिल्ला विकास समितिको संयन्त्रमा बसेर काम गरेको लामो अनुभव छ ।
कहाँ-को उम्मेदवार ?
स्थानीय तह | प्रमुख | उपप्रमुख |
रामेछाप नगरपालिका | रोशन पाख्रिन | शान्ता सापकोटा पौडेल |
मन्थली नगरपालिका | टुंगिन बाँकी | माया कार्की |
उमाकुण्ड गाउँपालिका | शेरवहादुर सुनुवार | महारानी कार्की |
गोकुलगंगा गाउँपालिका | खड्गबहादुर सुनुवार | राधिका श्रेष्ठ |
लिखु गाउँपालिका | गोविन्दवहादुर खड्का | दीपशिखा दाहाल |
खाँडादेवी गाउँपालिका | प्रेमवहादुर तामाङ | मखमली श्रेष्ठ |
सुनापाती गाउँपालिका | प्रदिप योन्जन | पासाङ डोमा तामाङ |
दोरम्बा गाउँपालिका | प्रेम लामा | सुभद्रा पाठक कँडेल |