२४ वैशाख, काठमाडौं । संघीय समाजवादी फोरम नेपालका अध्यक्ष उपेन्द्र यादवले संघीय गठवन्धनको आधिकारिक बैठक नै नबसेको बताएका छन् ।
प्रेस विज्ञप्ति जारी गर्दै यादवले आधिकारिक बैठक नै नबसको भन्दै गठबन्धनको संयोजक परिवर्तन नभएको स्पष्ट पारेका छन् ।
गठबन्धनको संयोजकका हैसियतले विज्ञप्ति जारी गरेका यादवले संयोजक, प्रवक्ता र बहुमत सदसस्यहरुलाई जानकारी नै नदिए बसेको बैठकको कुनै अर्थ नभएको बताएका छन् ।
आफूलाई गठवन्धनबाट हटाएर महन्त ठाकुरलाई संयोजक बनाउने निर्णय गठबन्धनको नभई केही व्यक्ति भएको भन्दै यादवले कुनै भ्रममा नपरी गठबन्धनलाई क्रियाशील बनाउन सदस्यहरुलाई आग्रह समेत गरेका छन् ।
केही दिन अघि गठबन्धनमा आवद्ध केही दलका नेताहरुले बैठक बसी संयोजक यादवलाई हटाएर ठाकुरलाई संयोजक बनाउने निर्णय गरेपछि उपेन्द्रको यो विज्ञप्ति आएको हो ।
यो पनि पढ्नुहोस्
संघीय गठवन्धनद्वारा उपेन्द्र यादवमाथि कारबाही, अध्यक्षबाट हटाइयो
