सैफ अली खानकी छोरी सारा अली खान र श्रीदेवीकी जेठी छोरी जान्भी कपुर बलिउडमा डेब्यू गर्नका लागि तम्तयार छन् । निर्माता-निर्देशकहरुको ध्यान आफूतिर आकृष्ट गर्न उनीहरु सबै उपाय लगाइरहेका छन् ।
हालै यी र्दुइ सुन्दरीले फेसन डिजाइनर सब्यसाची मुखर्जीको ड्रेसमा परम्परागत फोटोसुट गरे । यस फोटोसुटमा सारा ब्लु र ह्वाइट तथा मल्टीकलरको लेहेंगामा देखिएकी छिन् । यसैगरी जान्भीले पिंक र ह्वाइट कलरको लहेंगा लगाएकी छिन् । दुवैजना आआफ्नो पोशाकमा खुबै खुलेका छन् । दुवैले आफ्नो फोटोसुटको तस्वीर सामाजिक सञ्जाल इन्स्टाग्राममा पोष्ट गरेका छन् ।
जान्भी र सारालाई निर्देशक करण जौहरले बलिउडमा डेब्यू गराउँदैछन् । जान्भीलाई करणले मराठी फिल्म सैराटको हिन्दी भर्सनमा कास्ट गराउन लागेका छन् भने सारालाई स्टुडेन्ट अफ द इयर २ मा खेलाउन लागेका छन् । यद्यपि यसको औपचारिक घोषणा गरिएको छैन ।
