३ जेठ, बाग्लुङ । बाग्लुङको बरेङ गाउँपालिकाको अध्यक्ष र उपाध्यक्षमा राष्ट्रिय जनमोर्चा विजयी भएको छ ।
भर्खर सम्पन्न मतगणना अनुसार गाउँपालिकाको प्रमुखमा राष्ट्रिय जनमोर्चाका कृष्ण पौडेल ३ हजार ३४ मत प्राप्त गरी विजयी भएका हुन् ।
उनका निकटतम प्रतिद्वन्द्वी कांग्रेस-माओवादीका उम्मेदवार प्रदीप थापा मगरले २ हजार १ सय ९५ मत प्राप्त गरे ।
गाउँपालिकाको उपप्रमुखमा राष्ट्रिय जनमोर्चाकै डिलकुमारी पुनले २ हजार ९ सय ६४ मतसहित जित हासिल गरिन् । उनका प्रतिद्वन्द्वी कांग्रेसका विष्णु खत्रीले २ हजार ७४ मत प्राप्त गरेका छन् ।
