८ जेठ, पोखरा । दुई दिनदेखि अवरुद्ध पोखरा लेखनाथ महानगरपालिकाको मतगणना सुरु भएको छ । स्वस्तिक छापको मुचुल्का देखाउने सहमतिपछि नेपाली कांग्रेस, माओवादी केन्द्र लगायतका दलहरु मतगणना सुरु गर्न सहमत भएका हुन् ।
वडा नम्बर १७ को मतगणनाका क्रममा १० मतपत्रमा । स्वस्तिक छाप केही ठूलो भेटियो, जुन मतपत्रमा सूर्यमा एकछाप थियो । यसबारे प्रश्न उठाउँदै कांग्रेस, माओवादी सहितका दलहरुले मत बहिस्कार गरेपछि शनिबार रातिबाट अवरुद्ध भएको थियो ।
सोमबार विहान सर्बदलीय बैठकमा नयाँ सहमति भएपछि गणना सुरु भएको छ ।
पछिल्लो मत परिणाम अनुसार मेयरमा एमाले उम्मेदवार मानबहादुर जिसीले अग्रता कायमै राखेका छन् । उनले २१ हजार ८७८ मत पाएका छन् । उनलाई पछ्याइरहेका कांग्रेसका उम्मेदवार रामजी कुँवरले भने २० हजार ४९ मत पाएका छन् ।
उपमेयरमा पनि एमाले उम्मेदवार मञ्जु गुरुङले २० हजार ८७२ मत पाएकी छन् । उनलाई कांग्रेसकी उम्मेदवार सरस्वती गुरुङले पछ्याइरहेकी छन् । उनको मत १८ हजार २८ छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4