चाँगुनारायणको मतगणना तीन दिनदेखि अवरुद्ध

९ जेठ, भक्तपुर । भक्तपुरको चाँगुनारायण नगरपालिकाको मतगणना स्थगित भएको तीन दिन बितिसक्दा पनि सुरु हुन सकेको छैन । मतगणना प्रक्रिया शुरु गर्नका लागि मंगलबार बसेको सर्वदलीय बैठक पनि निष्कर्षविहीन भएपछि मतगणना शुरु हुन नसकेको हो ।

बैठकमा प्रमुख निर्वाचन अधिकृत भोजराज शर्मा, प्रमुख जिल्ला अधिकारी द्रोण पोखरेल, राजनीतिक दलका प्रतिनिधिहरुको उपस्थितिमा आज दुई चरणमा बैठक बसे पनि सहमति हुन सकेन । सोमबारको सर्वदलीय बैठकमा सहमति जुटेको थिएन ।

चाँगुनारायण नगरपालिकाको वडा नम्बर ४ को मतगणनाका क्रममा नेपाली कांग्रेस, राप्रपा र नेपाल मजदुर किसान पार्टीको मत तलमाथि भएको भन्दै विवाद बढेको थियो । विवाद बढ्दै जाँदा एमाले र नेमकिपाले पुनः मतगणना गर्नुपर्ने माग राखेपछि आइतबारदेखि मतगणना अबरुद्ध छ ।