२०७४ जेठ १९ गते ९:१६ 
१९ जेठ, काठमाडौं । अखिल नेपाल फुटबल संघ एन्फाले एपी वान एचडी टेलिभिजनसँग प्रत्यक्ष प्रशारण र फुटबल मार्केटिङका लागि वार्षिक १ करोड ७५ लाखको सम्झौता गरेको छ ।
बिहीबार काठमाडौंमा आयोजित कार्यक्रममा एन्फा अध्यक्ष नरेन्द्र श्रेष्ठ र एपी वानमा प्रबन्ध निर्देशक लक्ष्मीप्रसाद पौडेले सम्झौता पत्रमा हस्ताक्षर गरेका छन् । सम्झौता तीन बर्षका लागि गरिएको बताइएको छ ।
एन्फाले गराउने आधिकारिक खेलहरुको प्रत्यक्ष प्रशारण, मार्केटिङ र प्रायोजकको जिम्मा अब एपी वान टिभीले लिनेछ । तर मोफसलमा खेलाउने प्रतियोगिताहरु यस सम्झौताको दायरामा नपर्ने र एन्फाले वर्षमा ३० वटासम्म प्रतियोगिता आयोजना गर्न सक्नेछ ।
फिफा र एएफसीबाट आयोजना हुने प्रतियोगिताको हकमा भने एपी वानले प्रत्यक्ष प्रशारणमात्रै गर्न पाउने सम्झौतामा उल्लेख छ ।
एएफसी एसियन कप छनौट अन्तर्गत यमनबिरुद्ध आगामी जेठ ३० गते हलचोक मैदानमा हुने खेलको एपी वानले प्रत्यक्ष प्रशारण गर्नेछ ।
तस्वीरः एन्फा
प्रतिक्रिया 4