२८ असार, अर्घाखाँची । केहीदिन देखि लगातार परेको पानीले अर्घाखाँचीका अधिकांश ग्रामीण सडकहरु भत्केका छन ।
जिल्लाका सबै वडाहरुमा यातायातको सुविधा भएको अर्घाखाँचीमा सडक बिग्रिएपछि यात्रुलाई सास्ती भएको छ ।
असार मसान्तको समयमा यातायात नचलेपछि मसान्तमा योजनाका काम सम्पन्न गरी बजेट लिन सदरमुकाम सन्धिखर्क आउने समितिका पदाधिकारीलाई निकै सास्ती परेको छ । हिउँदभरि बाटाहरु खनिन्छ, अहिले वर्षाले आफैं हिँड्न पर्छ, एक मोटरबाटो उपभोक्ता समितिका सदस्यले भने ।
लगातारको वर्षाले अर्घाखाँचीका सडकहरु हिलाम्मै छन् त कतै सडकको संरचना नै बिग्रेको छ । लगातार पहिरो खस्दा सडक थप समस्या भएको छ ।
