३ वटा बस्ती बनाएर विश्वभरका नेपालीको मन जितेका हाँस्य कलाकार जोडी सिताराम कट्टेल र कुञ्जना घिमिरेको नयाँ योजना निर्माणले गती लिने भएको छ । ‘नमुना नेपाल’ बनाउने योजनाका साथ अगाडि बढेको यो जोडीले अब खोजेजस्तै जग्गा भेटेको बताएका छन् । उनीहरुले ५ अर्ब बजेटमा यो योजना पुरा गर्ने बताएका थिए ।
सरकारले स्विकृती दिएको खण्डमा ललितपुरको लेलेमा नमुना नेपाल बन्ने उनीहरुले बताएका छन् । ललितपुरको गोदावरी नगरपालिकाको लेलेमा रहेको सत्य सामुदायिक बनमा ‘नमुना नेपाल’ बन्ने उनीहरुले बताएका छन् । जग्गा हेर्न गएको यो जोडीलाई स्थानियले फुलमाला सहित स्वागत गर्दै परियोजना निर्माणका लागि सहमति पत्र समेत प्रदान गरेका छन् । खोजे जस्तो जग्गा भेटेपछि धुर्मुस-सुन्तलीले आफूहरु उत्साहित भएको बताएका छन् ।
उनीहरुले भने-‘राष्ट्रिय गौरवको परियोजनालाई सरकारले पनि साथ दिने हामीले आशा गरेका छौ । यो हाम्रो मात्र नभएर सारा नेपालीको सपना हो ।’ उनीहरुले खोजे जस्तै जग्गा भेटेपछि योजनाको नजिक पुगेको बताएका छन् । स्थानियबासीले दिएको सहमति पत्र नागरिक उड्डयन मन्त्रालयमार्फत प्रस्तावना समेत पेश गरिसकेको र सरकारले सकारात्मक रुपमा परियोजना निर्माणका लागि स्विकृती दिने विश्वास यो जोडीले राखेको छ ।
