Comments Add Comment

बाढीले बगाएका बिराटनगरका तीन युवाको शव जोगवनीमा भेटियो


३० साउन, बिराटनगर । लगातारको वर्षापछि आएको बाढीले बगाएका बिरानगरका तीन युवाको शव भारतको जोगवनी क्षेत्रमा भेटिएको छ ।

भेलले बगाएर ल्याएको शव रेल वे स्टेशन नजिकै भेटिएको इलाका प्रहरी कार्यालय रानीका प्रहरी निरीक्षक सन्तोष निरौलाले जानकारी दिए ।

उनका अनुसार बिरानगर वडा नम्बर १४ का ३० वर्षीय रोशन लुइटेल, वडा नम्बर १३ का २८ वर्षीय मनोजकुमार पासवान र वडा नम्बर १२ का २० वर्षीय निश्चल घिमिरेको शव भेटिएको हो । उनीहरुलाई शनिबार बाढीले बगाएको थियो ।

यससँगै बाढीमा परेर मोरङमा मृत्यु हुनेको संख्या ८ पुगेको प्रहरीले जनाएको छ ।

यो खबर पढेर तपाईलाई कस्तो महसुस भयो ?

ट्रेन्डिङ

फेरिएकी बर्षा

Advertisment