१९ भदौ, काठमाडौं । उपेन्द्र यादव नेतृत्वको संघीय समाजवादी फोरमले दोस्रो चरणमा २९ स्थानीय तहका उम्मेवारहरुको सूची सार्वजनिक गरेको छ । फोरमले २ नम्बर प्रदेशका अन्य स्थानीय तहका उम्मदेवारहरुको सूची यसअघि नै सार्वजनिक गरिसकेको छ ।
संघीय फोरमले जनकपुर उपमहानगरपालिकाको मेयरमा विष्णुदेव साहलाई टिकट दिएको छ । साथै उपमेयरमा रीताकुमारी यादवलाई उठाउने सो पार्टीले निर्णय गरेको छ ।
महोत्तरीको गौशाला नगरपालिकाको मेयरमा फोरमले महिलालाई उठाउने निर्णय गरेको छ । त्यहाँको मेयरमा रामकुमारी महतोले टिकट पाएकी छिन् भने उपमेयरमा रमेशकुमार यादव उम्मेदवार बनेका छन् ।
सिराहाको मिर्चैया नगरपालिकाको मेयरमा जामुन यादवले टिकट पाएका छन् ।
