९ असोज, काठमाडौं । जर्मन चान्सलर एन्गेला मर्केलको कन्जरभेटिभ सीडीयू/सीएसयू ब्लकले पछिल्लो ७० वर्षमा सबैभन्दा खराब नतिजा निकालेको छ ।
तर, अझै संसदमा ठूलो शक्ति रहनेछ । संघीय चुनावमा राष्ट्रवादीहरुले ठूलो छलाङ मारेका छन् ।
आफ्ना समर्थकहरुलाई सम्बोधन गर्दैै मर्केलले आफूलाई यो भन्दा राम्रो नजिताको अपेक्षा रहेको बताइन् ।
उनी चौथो पटक जर्मन चान्सलर हुनसक्छिन् । तर, यसका लागि नयाँ सहयात्री खोज्नु पर्ने छ । यसका लागि महिनौ पनि लाग्न सक्ने बीबीसीले जनाएको छ ।
किनकी ऐतिहासिक पराजयपछि मर्केलको सहयात्री सोसल डेमोक्रेटिक पार्टी एसपीडीले विपक्षमा बस्ने बताएको छ ।
मर्केलको सीडीयू/सीएसयू ब्लकले ३२.५ प्रतिशत मत पाउने एक्जिट पोलले देखाएको छ । एसपीडीले २० प्रतिशत मत्र पाउने अनुमान गरिएको छ ।
राष्ट्रवादी एएफडीले पहिलो सिट हात पारेको छ र संसदमा तेस्रो पार्टी हुने संकेत देखिएको छ । उसले १३.५ प्रतिशत मत पाउने एक्जिट पोलले देखाएको छ ।
पार्टीका नेता फ्राक पेटरीले चुनावी नजितालाई जर्मनीमा एक राजनीतिक भूकम्पको संज्ञा दिएका छन् ।
चुनावी परीणामलाई लिएर विरोध प्रदर्शन सुरु भएको छ ।
दक्षिणपन्थी इस्लाम विरोधी पार्टीको मुख्यालय बर्लिनमा शारणार्थीहरुलाई स्वागत छ भन्ने प्लेकार्ड सहित प्रदर्शन भएको छ । फ्रांकफर्ट र कोलोनमा पनि प्रदर्शन भएको छ ।
