1. ताजा अपडेट
Comments Add Comment

सरकारको अपिलः खरायोले झैँ बच्चा जन्माउ

युरोपेली मुलुक पोल्याण्डमा अहिले खरायोको चर्चा छ । सरकारले आफ्ना जनतालाई खरायोको बानी सिक्न अपिल गरेको छ । खासगरी बच्चाबच्ची पाउने गुण ।

वास्तवमा पोल्याण्डमा मानिसहरुको जन्मदर निकै कम छ । युरोपमा सबैभन्दा कम जन्मदर भएको देशमध्ये एक हो पोल्याण्ड । जनताले बच्चा कम जन्माउँदा सरकारलाई चिन्ता परेको छ । हरेक वर्ष बुढो भैरहेको र घटिरहेको जनसंख्याका कारण चिन्तित बनेको सरकार आफ्ना जनतालई धेरै भन्दा धेरै बच्चा जन्माउन प्रेरित गरिरहेको छ ।

यसका लागि सरकारले निकै रोचक तथा रचनात्मक उपाय अपनाएको छ । स्वास्थ्य मन्त्रालयले युट्युबमा एउटा भिडियो पोष्ट गरेको छ । जसमा एउटा खरायोले गाजर खाँदै आफ्नो ठूलो परिवारको राज बताइरहेको छ ।

यस भिडियोका माध्यमबाट सरकारले जनतालाई स्वस्थ भोजन गर्न, व्यायाम गर्न, तनाव तथा अल्कोहलबाट टाढा रहन अपिल गरेको छ । साथै सरकारले खरायोले जस्तै प्रजनन गरी प्रसस्त बच्चा जन्माउन जनतालाई आग्रह गरेको छ । एजेन्सी

यो खबर पढेर तपाईलाई कस्तो महसुस भयो ?

0%

खुसी

0%

दुःखी

0%

अचम्मित

0%

उत्साहित

0%

आक्रोशित

Advertisment