२ फागुन, काठमाडौं । निर्वाचन आयोगले प्रतिनिधिसभा निर्वाचनको अन्तिम परिणाम राष्ट्रपतिलाई बुझाएको छ । यससँगै नयाँ सरकार गठनको बाटो खुलेको छ ।
आयोगका पदाधिकारीहरुले शीतल निवास पुगेर राष्ट्रपति विद्या भण्डारीलाई निर्वाचनको सम्पूर्ण मत परिणाम बुझाएका हुन ।
प्रतिनिधिसभा समानुपातिकतर्फका उम्मेदवारहरुको नामावली दलहरुले बुझाएलगत्तै सम्पूर्ण परिणाम राष्ट्रपतिलाई बुझाइएको आयोगका प्रवक्ता नवराज ढकालले जानकारी दिए ।
समानुपातिकमा एमालेले ४१, कांग्रेसले ४०, माओवादीले १७, राजपा र फोरमले ६-६ सिट पाएको छ ।
