२४ फागुन, काठमाडौं । विश्वकप छनोट क्रिकेटमा नेपालले स्कटल्याण्डसामू १५० रनको लक्ष्य दिएको छ ।
जवाफमा मैदान उत्रिएको स्कटल्याण्डले तेस्रो विकेट गुमाएको छ । सन्दिप लामिछानेले रिची बेरिङटनलाई मात्र १ रनमा एलबीडब्लू धरापमा परे ।
अघिल्लो ओभरमा बसन्त रेग्मीले क्यालम मेकलाउडलाई व्यक्तिगत १५ रनमा आउट गरेका थिए । पहिलो विकेट सन्दिपले लिएका हुन् । दशौं ओभरको तेस्रो बलमा उनले म्याथु क्रसलाई कप्तान पारस खड्काको हातबाट क्याच गराएका हुन् ।
उनी व्यक्तिगत १४ रनमा आउट भए ।
