३० फागुन, काठमाडौं । प्रधानमन्त्री केपी शर्मा ओलीले संघीय संसद र प्रदेश सभा सांसदका लागि चियापान कार्यक्रम आयोजना गरेका छन् ।
राष्ट्रपति निर्वाचनका लागि प्रदेशहरुबाट समेत सांसदहरु काठमाडौंमा आएको मौका पारेर ओलीले चियापान कार्यक्रम गरेका हुन् ।
संघीय संसद (राष्ट्रियसभा र प्रतिनिधिसभा) र प्रदेशसभाका सांसदहरुलाई बिहान साढे ८ बजे नै चियापानका लागि बालुवाटारस्थित निवासमा उपस्थित हुन भनिएको प्रधानमन्त्रीको सचिवालयले जनाएको छ ।
खासगरी आफूलाई संसदमा विश्वासको मत दिएका सांसदहरुका लागि ओलीले चियापान कार्यक्रम आयोजना गरेको स्रोतले बतायो । ओलीले २७ फागुनमा विश्वासको मत पाएका थिए । ओलीलाई तीन चौथाइभन्दा बढी सांसदहरुले मत दिएका थिए ।